Friday, August 20, 2010

Оюуны хомсдолтой ч ирээдvйг харах ид шидтэй байжээ

XV зууны vед Английн Чешире гэдэг нутагт Роберт Никсон гэгч тариачин залуу амьдран суудаг байв. Тэрээр дуу цєєтэй, оюун ухааны хомсдолтой нэгэн байжээ.
Тvvний амнаас хааяа гарах шулганаанд хэн ч анхаарал хандуулдаггvй байлаа. Харин тvvнийг хааны албанд очсоноос хойш хvн бvгд амнаас нь гарах vг бvрийг анхааралтай сонсох болсон байна. Нэгэн єдєр ногооныхоо талбайд ажиллаж байсан мань эр "Дик анхаараарай, Херри анхаараарай! Дик чи их муу байна шvv. Херри чи сайн байна. Херри!... Херри яллаа!" хэмээн ихэд чангаар бархирсан аж. Тvvний энэ хачин байдлыг тэнд ажиллаж байсан хvмvvс сонссон боловч энэ нь тэдэнд огт ойлгогдохгvй зvйл байсан тул удалгvй мартацгаажээ. Гэвч удалгvй Лондоноос ирсэн шуудан зєєгч шинэ сонин мэдээ сонсгосон нь урьд єдрийн тvvний хачин байдлыг эргээж санахад хvргэсэн байна. Учир нь энэхvv урьд єдєр нь III Ричард хаан, тvvнийг эсэргvvцэж боссон Хейнрих Тудорын цэргvvдтэй тулалдаж байгаад алагдсан аж. Уг тулалдаан Чешире нутагт ємнєх єдєр нь болсон ба Никсоны хашгирч байсан яг тэр цаг мєчид их хаан алагджээ.

Тvvнээс хойш Хейнрик Тудор Английн хаан VII Хейнрих хэмээн єргємжлєгдєж, удалгvй дээр єгvvлсэн явдлын тухай сонсоод оюун ухааны хомсдол бvхий далдыг харагч залууг урьж, хvн явууллаа. Хааны энэхvv урилга заллагыг сонсоод Никсон ихэд дургvйцэн уурлаж, Лондонд очно гэхээс машид айн сандарч єєрийг нь авч явахгvй байхыг гуйж байсан ба "Хэрэв би тэнд очвол єлсєж vхнэ шvv дээ" гэсэн байна.

Тvvнийг татгалзахыг vл харгалзан хааны ордонд авчраад ид шидийг нь шалгахаар Хейнрих хаан нэгэн vнэт бадмаараг эрдэнийн чулууг нууж, тэрхvv чулуугаа олж єгєхийг хvссэн байна. Гэтэл хариуд нь Никсон єєртєє маш итгэлтэйгээр "Энэ эд зvйлийг алдсан бус нуусан бєгєєд нуусан хvн нь тvvнийгээ олж чадах тул тэр талаар єндєр дээдэст хариулах шардлагагvй юм" гэжээ. Энэ явдал VII Хейнрих хааны сэтгэлийг ихэд хєдєлгєсєн учир тvvнийг хааны ордонд байнга байлгаж, тvvний ирээдvйг харж хэлэх элдэв зєн билгийг бичиж тэмдэглэж байхыг тушаав.

Никсон энд амьдрах хугацаандаа vнэхээр их зvйлийг урьдчилж хэлсэн ба тvvний дотор Английн иргэний дайн, Франц улстай хийх дайн болон их хааны нас барах vйл явдал, цаг хугацаа зэрэг орно. Тэдгээрээс зєвхєн ганц зvйл буюу Натвич гэдэг хот далайн их давалгаанд арчигдан сvйрнэ гэсэн нь биелэгдэх єдрєє хvлээн єдийг хvрсэн ажгуу. Хэдийгээр Никсон хааны албанд асар их хvндэтгэлийг хvлээж байсан боловч vргэлж єлсєж vхэхээс айж байсан гэдэг. VII Хейнрих хаан єєрийн мэргэн хvнийг дээрх байдлаас тайвшруулахын тулд "Никсон юуг хаана хэзээ идэхээс vл шалтгаалан хvссэн дор нь биелvvлж бай!" гэсэн зарлиг гаргасан байна.

Мєн хааны ордноос гадуур явах vед нь тvvний бvх хvсэлтийг биелvvлж байхаар нэгэн цэргийг томилжээ. Мєнєєх цэрэг хааныхаа энэ зарлигийг бvрэн биелvvлж байсан бєгєєд нэгэн єдєр Никсонд ямар нэг муу зvйл тохиолдуузай гэсэндээ тvvнийг ханын шvvгээнд хийж тvгжлээ. Гэтэл энэ vед тэр цэргийг гадагш ажлаар явуулсан ба тэрээр хамгаалах ёстой хvнээ даруй мартаж орхив. Хэд хоногийн дараа хаан аянаас эргэж ирээд мэргэч залууг эрvvлж хайлгатал Никсон ханын шvvгээнд єлсєж vхсэн байх нь тэр.

No comments:

Post a Comment